• පරිසරය සුරකින්න

• වරාය අධිකාරියේ අවසරය අනිවාර්යය වේ

• වතුර ලීටරයක්වත් ලඟතබා ගන්න

• විශේෂ ස්තුතිය කෝසලට හා ආසිරිට.

පිදුම, මගේ ආදරණිය බිරිඳට

උතුරු කොනට පා තබා සිටි අප දකුණු කොන නැරඹීමට තීරණය කලේ හදිස්සියේය. අප අරමුණ වුයේ දෙවුන්දර ප්‍රදීපාගාරය නැරඹීමය. අපගේ වාසනාවට ගමනට එක් වූ එක් පුද්ගලයෙක් වරාය අධිකාරියේ ඉහල නිලයක් දරන පුද්ගලයෙකි. එමනිසා අවසර ගැනීම ඉතා පහසු කාර්යයක් විය. පෙරවරු 9.30 ට පමණ උණවටුනෙන් පිටත් වූ අපි පෙරවරු 11.30 පමණ වනවිට මාතරට ලඟා විය. තෙරක් නොපෙනෙන සාගරය මැදින් ඈතින් අපට දිස්වුයේ අපගේ ගමනාන්තය ය. මාතර නගරය පසුකර ඉදිරියට යාමේදී දෙවුන්දර ප්‍රදීපාගාරයට ඇති දුර දැක්වෙන නාමපුවරුවක් ප්‍රදර්ශනය කර ඇත. ඉතා සුළු දුරක් ගමන්කිරීමෙන් පසු මාතර දේවාලය ලඟින් වමට හැරී ගමන් කල යුතුය. එම පාරේ ඕනෑම වාහනයක් ගමන් කිරීමට හැකිය. ටික වෙලාවකින් අපේ ගමනාන්තයට පිවිසියෙමු. වහනය ගාල් කර ප්‍රදීපාගාරයට දෙසට ඇවිදින විට අප නෙත ගැටුනේ නිල්වන් පාටින් බබලන සාගරයයි. ප්‍රදීපාගාරය වනාහි විශ්මය දනවන නිර්මාණයකි. එහි නඩත්තු කටයුතු වරාය අධිකාරිය විසින් මනාලෙස ඉටුකර ඇති බව අපට බැලූ බැල්මට හැඟී ගියේය. අප සෙමින් සෙමින් ඉදිරියටම පියමන් කළෙමු…

ප්‍රදීපාගාරය මාතරට දිස්වන අයුරු

ප්‍රදීපාගාරය පිලිබඳ නාමපුවරුව

දෙවුන්දර ප්‍රදීපාගාරය (උස අඩි 161)

දෙවුන්දර ප්‍රදීපාගාරය ඉංග්‍රීසි යටත් විජිත සමයේ ඉදි වුවකි. එය 1889  මුලින්ම සැලසුම් කල නිර්මාණ ශිල්පයා වන්නේ ජේම්ස් ඩග්ලස්ය එනමුත් එය ඉදිකළේ ඉම්පීරියල් ප්‍රදීපාගාර සමාගමේ විලියම් ඩග්ලස් විසින්ය. ප්‍රදීපාගාරය තට්ටු හතකින් සමින් විත වන අතර ජනේල 16 ක් පවතී. මෙය සැදීමට ගල්, වානේ හා අනිකුත් ද්‍රව්‍ය ගෙනවිත් ඇත්තේ එංගලන්තයෙන්ය. තවමත් දිනකට නැව් 50 ක් පමණ ප්‍රදීපාගාරය භාවිතයෙන් තම මාර්ගය සොයා ගන්නා බව රහසක් නොවේ.

කවදා හෝ උඩට යාමට සිතුවාද??
ප්‍රදීපාගාරයට ඇතුල් වන්නේ කළු දොරෙනි
ප්‍රදීපාගාරයේ ඇතුලත
සර්පිලාකර පඩිපෙළ
ප්‍රථම විදුලි පහන හා ජනේලයක්

ප්‍රදීපාගාරයට ඇතුල් වූ අපිට සෙරප්පු ගලවන ලෙස උපදෙස් ලැබුණි. වරාය අඩිකාරිය උපරිමයෙන් මෙහි නඩත්තු කටයුතු කරන බව රහසක් නොවේ. අපි සෙමෙන් සෙමෙන් නැග්ම ආරම්භ කළෙමු. අතරමගදී අපහට 1960 දී ප්‍රතිස්ථාපනය කරන ලද මුල් විදුලි පහනද හමුවිය. සර්පිලාකරව සෑදු පඩිපෙලක පඩි 196 ක් තරණය කිරීමෙන් පසු අප ප්‍රදීපාගාරය මුදුනට ගමන් කළෙමු.  මුදුනට පිවිසීමට ප්‍රථමයෙන් අප විදුලි පහන් නිරීක්ෂණය කළේය. එහි විදුලි බුබුළු 40 ක් අන්තර්ගත අතර එකක් වොට්ස් 1000 ක්  ය. ඒවා රාත්‍රියේ ස්වයංක්‍රීය ක්‍රියාත්මක වන අතර අලුයම උදාවන විට ක්‍රියාවිරහිත වේ. එහි ආලෝක ධාරාව නාවික සැතපුම් 30 ක් දක්වා විහිදේ. මදවේලාවකට පසු අපි ප්‍රදීපාගාරයේ මුදුනට පිවිසුනෙමු. ප්‍රදීපාගාරය පතුලේ සිටි පුද්ගලයන් අපට දිස් වුයේ කුහුඹුවන් මෙනි. එහි සුන්දරත්වය කියා නිමකළ නොහැකිය එමනිසා පහත පින්තුර බලා තේරුම් ගන්න. අනික් කරුණ නම් සිංහල සිනමාවේ ප්‍රසිද්ධ “එක් ටැම් ගෙය” චිත්‍රපටය රූ ගතකිරීම් මෙම ස්ථානයේ සිදුකර ඇත.

එක් ටැම් ගෙය” චිත්‍රපටයේ රූපරාමු බලන්න මෙතන කොටන්න

විදුලි ලාම්පු පුවරුව

පහත සිටින මිනිසුන් කුහුඹුවන් මෙනි…

දෙනියාය පැත්ත

සුන්දර දක්ෂිණ වෙරල තීරය

නෑමට සුදුසු ස්ථානයක්

පැය භාගයක් පමණ උඩ රැඳුනු අපි ගමනේ අවසානය සනිටුවන් කිරීමට පෙර මිනින්දෝරු දෙපාර්තමේන්තුව විසින් සවිකරන ලද ශ්‍රිලංකාවේ දක්ෂිණ කොන සනිටුවන් කරන දෙව්න්දර තුඩුවේ  මුලික මාඉම් ගල නැරඹීමට අමතක නොකළෙමු.

ජය වේවා!

හොඳද නරකද කියන්න මෙතන කොටන්න