සිගිරිය අප්සරාවන්ගේ වැඳුම් පිදුම් ලැබූ පිඳුරංගල

admin | Nov 08, 2010 | මෙම ලිපිය ගැන ඔබේ අදහස් 7

කතෘ : දිනේෂ් ඩෙකර්
කතෘ හා සම්බන්ද වන්න : dineshdsd@gmail.com \| 0716- 818740

අවුරුද්ද & මාසය	දින ගණන	පුද්ගලයන්	කාලගුණය	ප්‍රවාහනය
අගෝ, 2010	3	4	වලාකුලින් බර	මෝටර් රථය

මාර්ගය
කඩවත -> දඹුල්ල -> සිගිරිය ->පිදුරංගල
නවාතැන
බැක් ඇන්ඩ් බියොන්ඩ් දෙහිගහ ඇල

විශේෂ කරුණු හා මතක තබා ගත යුත් දේවල්
විශේෂ ස්තුතිය ලක්දසුන් සංවිධානයට නවාතැන් පහසුකම් සැපයීම පිලිබඳ යොහාන්ට ස්තුතිය අඩුම තරමින් ජලය ලීටරයක්වත් ළඟ තබා ගන්න චමත්කාරජනක දසුන් සඳහා හවස් භාගය ඉතා යෝග්‍යය. පරිසය සුරකින්න පිදුම, මගේ ආදරණිය බිරිඳට හා මාගේ නඩේට ප්‍රථමයෙන් පිඳුරංගල නම අසු සැනින් බොහෝ සංචාරකයෝ පුදුම වන බවත් එය ඇත්තේ කොහේ දැයි පෙරලා විමසන බවත් ප්‍රකට රහසකි. පිඳුරංගල පිහිටා ඇත්තේ සීගිරියේ සිට කි.මි 2 කක් වැනි ඉතා කුඩා දුරකිනි. එනමුත් මෙම ඓතිහාසික ආකර්ෂනික පූජනීය ස්ථානය සිගිරිය නැරඹීමට එන පුද්ගලයන් හට මගහැරී යයි. පිඳුරංගල හා සිගිරිය එකිනෙකට මුහුණලා පවතී පිඳුරංගල සිගිරි අප්සරාවන් පිඳුරංගල වැඳීමට මල් අරන් යාම චිත්‍රයෙන් කස්සප රජතුමන් සිගිරිය තමාගේ බලකොටුව කරගැනීමට ප්‍රථමයෙන් එය රහතුන්වහන්සේ වැඩ සිටි ස්ථානයක් බවත් සිගිරිය තම බලකොටුව කරගැනීමට පෙර සියලු පහසුකම් සහිතව පිඳුරංගල ආශ්‍රමයක් ඉදි කල බවත් එහි භාවනායෝගී භික්ෂුන් 500 ක් වැඩසිටි බවද ඉතිහාසයේ සටහන් වී ඇත. සිගිරිය හා පිඳුරංගල එකිනෙකට මුහුණලා පවතින අතර එය සිගිරි අප්සරාවන්ගේ වැඳුම් පිදුම් ලැබූ ස්ථානයකි. පුරාවෘත්තයනට අනුව මහාවංශය ලියු මහානාම භික්ෂුව පිඳුරංගල වැඩසිටි බවට සාක්ෂි පවතී. පිඳුරංගල වෙලාව පස්වරු 5.30 ය. හතරවටින් වැහි අඳුර ගලා එමින් පැවතුනි. අප අපගේ ගමන පටන් ගත්තේ දෙගිඩියාවිකිනි. අපගේ ප්‍රදාන අරමුණ වූයේ පිඳුරංගල මුදුනේ සිට හිරු බැසීම නැරඹීමය. එමනිසා අපි පය ඉක්මන් කළෙමු. සිමෙන්තියෙන් සෑදු පියගැටපෙලකින් නූතන විහාරයට ඇතුල් වූ අපි පුරාණ විහාරය කර අපේ ගමන ආරම්භ කළෙමු. ටික දුරක් ගමන් කල පසු අප පිවිසියේ වන රොදක් තුලින් වැටී තිබු සීග්‍ර නැග්මකින් යුතු අතරින් පතර ඇති පඩි පෙලකටය. යම් දුරක් ගමන් කිරීමෙන් පසු කටරම් කෙටු ගල්ගුහාවක් තුල ඇති කැඩී ගිය බුදු පිළිමයක් හා ශිලලේකනයක් අපට හමු විය. එය වනාහි පුරාණ විහාරයයි. නමුත් අපගේ ගමනාන්තය ඉන් ඔබ්බෙන් පිහිටා ඇත. පියගැට පෙළ ශිලා ලිපිය වටකර ඇත කැඩීගිය සැතපෙන පිළිමය ආ මග සමග සංසන්දනය කිරීමේදී මෙම ස්ථානයෙන් ඔබ්බට තරමක් දුෂ්කර වූ අතර ගල්මත පය තබමින් යා යුතුය. එය අවසානයේ අංශක 30 ක් පමණවන මීටර් 50 ක ගල්තලාවක් තරණය කිරීමෙන් පිඳුරංගල මුදුනට පිවිසුනෙමු. යා යුතු මග ගල් මත පා තබමින් සිගිරිය තේජාන්විත භාවය පිඳුරංගල මුදුනේ සිගිරිය මුහුණලා ඇති ගල් කැබැල්ල මුදුනේ ඇති සුන්දරත්වය විස්තර කිරීමට තරම් මම භාෂා විශාරදයෙක් නොවෙමි. එම නිසා කෙටියෙන් කියතොත් “අති සුන්දරය” සිගිරිය තේජාන්විතව නැගී සිටින අතර එයට මුහුණලා විශාල ගල් බෝලයක් පිඳුරංගල මුදුනේ පවතී. කුමක් නිසා තැම්පත් කලේද? කව්රුන් විසින් තැම්පත් කලේද යන්න අප අභිරහසක්ය. මුදුනේ සිට දසුන් ඝන අන්දකාරයෙන් වෙලී… අප බලාපොරොත්තු වූ හිරු බැස්ම දැකීමට වාසනාවන්ත නොවුවත් අවට සුන්දරත්වය රිසි ලෙස විඳ වර්ෂාව ඇද වැටීමට පෙර අපි අපේ ගමන නිමකිරීමට උත්සුක උනත් අප බලාපොරොත්තු වුවාට කලින් ඇඳිරි වැටිණි. ජය වේවා! හොඳද නරකද කියන්න මෙතන කොටන්න