යක්ෂයාගේ පියගැටපෙළ ඔස්සේ කළුපහන සිට ඔහියට

කතෘ : විරාජ් රත්නප්‍රිය
කතෘ හා සම්බන්ද වන්න : viraj_rathnapriya@yahoo.com
අවුරුද්ද & මාසය දින ගණන පුද්ගලයන් කාලගුණය ප්‍රවාහනය
2010 ඔක්තෝබර් 3 5 යහපත් ජීප් රථ
මාර්ගය

කොළඹ / වේයන්ගොඩ -> අවිස්සාවේල්ල-> බලන්ගොඩ -> කළුපහන -> බමරකන්ද -> උඩවේරිය -> ඔහිය -> බොරලන්ද -> දියතලාව -> බදුල්ල -> පස්සර

නවාතැන
ඌව කළමනාකරණ පුහුණු ආයතනය – පස්සර
විශේෂ කරුණු හා මතක තබා ගත යුත් දේවල්
  • බඹරකන්ද සිට උඩවේරිය දක්වා වූ මාර්ගය පටුවුත් ; දැඩි බෑවුම් සමග වැලමිටි වංගු සහිතවුත් දුෂ්කර කඳුකර මාර්ගයකි. මාර්ගයේ මතුපිට තත්වයද යහපත් නොවන අතර තියුණු ගල් පතුරු ඔබේ ටයර මත සිය අණසක පැතිරවීම සදහා පෙළගැසී හිඳී. වසර පුරාවටම දවසේ වැඩි කාලයක් මිහිදුමින් වැසී පවතින මෙම මාර්ගය ඉතා සුන්දර භුමි දර්ශනයන්ගෙන් පොහොසත් වන නමුදු මෙම අත්දැකීම ලැබීම සඳහා පළපුරුදු රියදුරෙකු විසින් මෙහෙයවනු ලබන ජව සම්පන්න සේම විශ්වාසනීයවූ රළු වාහනයක් අත්‍යවශ්‍ය වේ.

  • අතරමගදී හමුවන මංසන්දි වලදී ය යුතු නිවැරදි මාර්ගය විමසා සිටීම සදහා කිසිවෙකු හමු නොවීමේ ඉඩකඩ වැඩි බැවින් ප්‍රදේශයේ සිතියමක් රැගෙනයාම ඉතා වැදගත් .

  • නොදන්නා ජලයේ ස්නානය කිරීමේදී ප්‍රවේශම් වීම වැදගත්

  • ඔබගේ පාසටහන් පමණක් ඉතිරි කරන්න. ඔබ සමග ගෙනයන අන් සියල්ල ආපසු රැගෙන එන්න

පිදුම, සංචාරයට රුචි ඔබ සැමට

රිදී පාට බෝලයක් වගේ හිරු බබලමින් තිබුණා. මේ වනවිට බලන්ගොඩ නගරය පසුකරමින් සිටි අප; නමුණුකුල කර දිවෙන තවත් සුන්දර පරිසර සංචාරයක මුල්ම පැය කිහිපය ගෙවමින් තමයි උන්නේ. වහලයක් රහිත කුඩා සෆාරි ජීප් රථයෙහි අපි පස්දෙනෙක් හොදින් ඇහිරිලා හිටියා. එදා දිනයේ අපේ ගමනාන්තය වුනේ බදුල්ලෙනුත් ටිකක් දුරින් තිබුණ පස්සර කියන කුඩා නගරයයි . අතර මගදී බෙරගල නගරයෙන් හරවා පුනාගල වතුයායේ පිහිටි මිලේනියම් සහ පිල් ක්ලින්ටන් යන බැලුම් ස්ථාන නරඹමින් බණ්ඩාරවෙල ඔස්සේ බදුල්ලට ළඟාවෙන්න තමයි මුලින් අප සැලසුම් කරගෙන හිටියේ

එහෙම උනත් වෙනස් නොවන කිසිවක් මේ ලෝකේ නැහැ නොවැ. මේ පැහැදිලි අහස ගැන හිතපු දිනේෂ්ට යක්ෂයාගේ පඩිපෙළ හරහා අපේ මේ දුප්පත් අශ්වයා පන්නන්න දොළදුකක් ඇතිඋනා. දිනේෂ්ගේම වචනයෙන් කිව්වොත් ” යක්ෂයාගේ පඩිපෙළ හරහා යන්නට ආයේ ජීවිතේට මේ වගේ පැහැදිලි අහසක් තියෙන දවසක් උඹලට ලැබෙන්නේ නැහැ” (ආයෙත් කොහේ ලැබෙන්නද අප්පේ ඕකෙන් පහලට දෙරිගැහුනොත් !!!! හිහ් හි ).

කළුපහන සිට බමරකන්ද දක්වා

කොහොම උනත් මේ වගේ හදිසි නමුත් අවතානුකුලව ගන්න තීරණ වලින් බොහෝ යහපත් ප්‍රතිලාභ අත්වුණ අවස්ථා ගැන පුර්ව අත්දැකීම් තිබුණ නිසාදෝ ජීප් රථයත් කිසිම විරෝධයක් නොදක්වාම කළුපහන හන්දියෙන් ප්‍රධාන මාර්ගයෙන් අතුරු මගට හැරවෙනු ලැබුවා.

ගැඹුරු ප්‍රපාතයක් හරහා එක පෙලට විහිදුන කෙටි වැලමිටි වංගු සමුහයක් යක්ෂයාගේ පඩිපෙළ ලෙසින් ඉංග්‍රීසි වැවිලිකරුවන් විසින් හදුන්වනු ලැබුවා. වැලමිටි වංගු සමුහය පඩිපෙලක් ලෙසින් දුරට දිස්විමත්, මාර්ගයේ දුෂ්කරතාවයත්, අවදානමත් මේ නම ලබාදීම සඳහා හේතුවන්නට ඇති .

හිරුරැසින් නැහැවෙමින් තිබු සුන්දර කදු පංතීන්


කළුපහන සිට බමරකන්ද දක්වා වූ මාර්ගය පටු කදුකර එකක් වුවත් ඕනෑම කුඩා වාහනයකට වුව තරණය කළහැකි ලෙසින් මනාව නඩත්තුකර තිබුණා. හිරුරැසින් නැහැවෙමින් තිබු සුන්දර කදු පංතීන් කිහිපයකගේ දර්ශනය අපේ ගමන මොහොතක් පමාකලද බමරකන්ද දියඇල්ල වෙත ළඟාවීම සදහා අපට වැඩි කාලයක් ගතවුනේ නැහැ. ලංකාවේ උසම දිය ඇල්ල නරබන්නන් සදහා පහසුකම් සැපයු පොදු රථගාල පසුකරමින් මදක් ඉහලට ගමන්කළ ජීප් රථයට සුප්‍රසිද්ධ බමරකන්ද පාරිසරික නිකේතනයේදී මදක් ගිමන් හැරීමේ අවකාශය හිමිවුණා.

ලංකාවේ උසම දිය ඇල්ල

සුන්දර පාරිසරික නවාතැන

සුන්දර පාරිසරික නවාතැන

ඊළඟ මොහොතේදී මේ සුන්දර තානායමේ භාරකාරිය වූ සේරා මහත්මිය විසින් අපව සුහද ලෙස පිළිගනු ලැබුවා. දිය ඇල්ලට මුහුණලා ඉතා සුන්දර පරිසරයක ඉදිකොට තිබු මෙම පාරිසරික නවාතැනට මා කෝඩුකාරයෙක් වූවද අපේ කණ්ඩායමේ කිහිපදෙනෙකුට හොද හුරුපුරුදු තැනක් බවට පත්වෙලා තිබුණා. ඒ නිසාම කලින් ඇනවුම් නොකලද; ගමනේ අතරමගදී බුක්තිවිඳිනු පිණිස දිවා ආහාර පාර්සල වශයෙන් සකස්කොට ලබාගන්න අපට හැකිවුණා.

මේ සොඳුරු පරිසරයේ ඔබ මොබ සැරිසරමින් හිටි අපට තානායම් සේවකයෙකු විසින් සුවිශේෂී යමක් පෙන්වනු ලැබුවා. ඒ කන්ද මුදුනේ එළිමහන් ස්ථානයකදී ඔහිය දෙසට ධාවනය වෙමින් පැවති තවත් ජීප් රථයක්. තානායම් සේවකයාට අනුව ඔවුන් තානායම පසුකර ගොස් තිබුනේ ට පැයකට ආසන්න කාලයකට කලිනුයි. (කෙසේ වෙතත් චාරිකාවේ අවසන් කොටසේදී අපට ඔවුන් මුණගැහුණා )

ටයර වල මාරයන් බඳුවූ තියුණු ගල් පතුරු

දිනේෂ්

මම හා මගේ වන්ඩිය

සුන්දර පරිසරය

බමරකන්ද දිය ඇල්ල සමග

සේරා මහත්මියගෙන් සමුගත් අප ඔහිය බලා දිවෙන පටු ජීප්රථ මාර්ගය ඔස්සේ ඉදිරියට ඇදුනා. ආරම්භයදී පහසුවෙන් තරණය කල හැකි බවක් පෙන්වූ මාර්ගය පළමු මීටර් 500 ඇතුළතදීම අසීරු අති දුෂ්කර කදුකර මාර්ගයක් බවට පත්වූවා.

ඛාදනයට ලක්ව ඇගිලි සහිත වූ මාර්ගය මතුපිට ටයර වල මාරයන් බඳුවූ තියුණු ගල් පතුරු වලින් පිරී පැවැතුණා. මේ නිසාම කොතරම් රළු ජීවයක් සහිත වුවද අපේ CJ5 අශ්වයා ඉදිරියට අදුනේද බොහෝම සෙමිනුයි.

සුන්දර නිම්නය

තානායමේ සිට කිලෝ මීටර් තුනකට අසන්න දුරකදී අපට මෙම මාර්ගයේ සුප්‍රසිද්ද මං සලකුණක් වූ “V Cut ” නම් ස්ථානය හමුවූවා. ගම්වාසීන්ගේ නිබඳ වන්දනාවට ලක්වන මෙම ස්ථානයෙන් කදුවැටියේ අනෙක් බෑවුම වෙත ප්‍රවේශය සපයනු ලැබුවා.



V – Cut

අප ගමන් කරමින් තිබු මාර්ගය; බමරකන්ද දිය ඇල්ල නිමවනු ලබන සුන්දර දියකඳුර හරහා ගමන්කරමින් තිබුණා. සපත්තු පාලම අසල සැදී තිබු ස්වභාවික තටාකය අයිස් වතුරින් පිරි තිබිමුත් වැඩි යමක් නොසිතාම වතුරට පැන්නේ පරිසරයේ නිහඬතාවය; වෙවුලන දත් ඇඳි වලින් නිකුත්වූ “කට කට” හඩින් බිඳී යත්දිය.

අප ආ මග

කදුවැටියේ අනෙක් බෑවුම වෙත ප්‍රවේශය සපයනු ලැබුවා

සපත්තු පාලම අසල සැදී තිබු අයිස් වතුරින් පිරි ස්වභාවික තටාකය

බඹරකන්ද දියඇල්ල තරණය කරමින්

මෙයින් පසු මාර්ගයේ මතුපිට තත්වය තරමක් යහපත් වූ අතර වැලමිටි වංගු රැසකගේ ඇවෑමෙන් උඩවේරිය – බටහිර හපුතලේ කොට්ටාශයට පැමිණෙනු ලැබුවා. අනතුරුව එළඹියේ යක්ෂයාගේ පඩිපෙලයි. එයින් අනතුරුව මෙතෙක් අපගේ වම්පසින් වූ බැවුම දකුණු පසට මාරු වූ අතර මාර්ගය තරමක බැස්මක් පෙන්වනු ලැබුවා.

ලංකා ඇල්ල

ලංකා ඇල්ල නැරඹීමට සුදානම්ව

බලතුඩුව හා ගොන්මොල්ලි කන්ද

වැලමිටි වංගු

උඩවේරිය – බටහිර හපුතලේ කොට්ටාශය

යක්ෂයාගේ පඩිපෙලයි

යක්ෂයාගේ පඩිපෙලයි

අප පසුකර ඇත්තේ යක්ෂයාගේ පඩිපෙලයි

පාලමක් පසු කරමින්

සුන්දර කඳු පන්තීන්

අනතුරුව හමුවූ තුන්මන් හන්දිය මෙම මාර්ගයේ හමුවන ඉතා වැදගත් ස්ථානයක්. එයින් ඉහලට දිවෙන මාර්ගය හෝර්ටන් තැන්න කරා දිවෙන්නක් වන අතර වඩා දුෂ්කර මාර්ගයක් ලෙස සැලකෙනවා. අතරමගදී හමුවූ ගම්වැසියකු පැවසු පරිදි කඩාවැටී තිබු ගස් කිහිපයක් හේතුවෙන් මාර්ගය වාහන ධාවනය කල නොහැකි ලෙස අවහිර වී තිබුන බැවින්, පහලට දිවෙන මාර්ගය අපවිසින් තෝරාගනු ලැබුවා.

පහලට දිවෙන මාර්ගය අපවිසින් තෝරාගනු ලැබුවා

පටු මාර්ගයේ බැවුම සුන්දර දොලපාරක් මතින් ඉදිවූ පාලමක් අසලදී අවසන්වුණා. ගල්තලාවක් මතින් සංගිතවත්වූ දිය කඳුර අපගේ දිවා ආහාරය ලබාගැනීම සඳහා උචිතම ස්ථානය එය බවට ඉගිකලා.

ගල්තලාවක් මතින් සංගිතවත්වූ දිය කඳුර

දිවා ආහාරයෙන් අනතුරුව ගමන් ඇරඹු අප දකුණු මුහුදු තිරය දක්වා අඛණ්ඩව පැතිරුණ දර්ශන පථයෙන් අමන්දානන්දයට පත්වුණා. ඒ වගේම වනස්පතියට මදක් ආවරණය වුනත් යක්ෂයාගේ පියගැටපෙලත් පැහැදිලිව දුරින් දැකගැනීමට හැකියාව ලැබුණා. සොබාදහම් මෑණියන් අප කෙරෙහි සිය උපරිම කරුණාව දක්වා තිබු බවක් අපට හැඟී ගියේ වෙනදා මෙහි අණසක පතුරගෙන හිදිනා මිහිදුම් පොදක්වත් දක්නට නොතිබුණ නිසයි. දිනේෂ් ඔබටත් ස්තුතියි. ඔබගේ අවතානුකුල තීරණය නොවන්නට මෙවන් සුන්දර සංචාරයක් ජිවිතේ කවරදාක හෝ නොලබන්නත් ඉඩක් තිබුණා.

දකුණු මුහුදු තිරය දක්වා අඛණ්ඩව පැතිරුණ දර්ශන පථයෙන්

සොබාදහම් මෑණියන් අප කෙරෙහි සිය උපරිම කරුණාව දක්වා තිබු බවක් අපට හැඟුනා

එයින් අනතුරුව තේ වත්ත තුල පිහිටි කුඩා ගම්මානයක් වෙත අප පිවිසෙනු ලැබුවා. අපගේ පැමිණීම එගම් වැසියන්ට අමුත්තක් වූ බවක් පෙනෙන්නට තිබුණා. ඇතැම්විට මෙවන් ආකාරයේ විවුර්ත ජීප් රථයක් ඔවුනට කලාතුරකින් දක්නට ලැබෙන්නක් නිසා වන්නට පුළුවන. කෙසේ වුවද අතවනා ආසිරි පතන පුංචි උන්ගෙන් සමුගෙන ඉදිරියට ඇදුන අප තවත් කිලෝ මීටරයක පමණ දුරකදී ගම්වැසියකු විසින් නවතනු ලැබුවා.

කුඩා ගම්මානයක් වෙත අප පිවිසෙනු ලැබුවා

කාර්මික දෝෂයක් නිසා අතරමග නතරව ඇති වාහනයක් නිසා ඉදිරියේදී මාර්ගය අවහිරව ඇති බවත් ආපසු හරවාගෙන යාම වඩා නැණවත් තීරණයක් බවත් ඔහු කියා සිටියා. තත්වය කවරාකාර වුවත් ඉදිරියටම ගොස් බැලීමට තීරණය කල අප තවත් මීටර 500 ක පමණ දුරකදී ගම්වැසියා සදහන් කරන ලද බාධකය ඉදිරියේ මදක් තැතිගෙන නැවතුණා.

අප ගම්වැසියා සදහන් කරන ලද බාධකය ඉදිරියේ මදක් තැතිගෙන නැවතුණා.

ඒ මක්නිසාදයත් ආපදාවට ලක්ව තිබුනේ අප බඹරකන්ද තානායමේදී කදු මුදුනේ ධාවනය වෙමින් සිටිනු දුටු ජීප් රථය වීමයි. ටොයෝටා ලෑන්ඩ් කෘෂර් වර්ගයේ අති නවීන රථයක් වූ එය රියදුරාගේ නොසැලකිලිමත් පැදවීම හේතුකොටගෙන ටයර දෙකක් නැවත සකස්කළ නොහැකි වනසේ කපාගෙන තිබුණා. ඔවුන්ගේ අමතර රෝදය ගලවාගත නොහැකි වනසේ හිරවී තිබු බැවින් අපගේ අමතර රෝදය පිළිගැන්වීමෙන් වුවද තත්වය සමනය කරගත නොහැකි; කණගාටුදායක තත්වයකට ඔවුන් පත්ව තිබුණා.

කෙසේ වුවද අවසානයේදී දැඩි තීරණයකට එළඹී එම රථයේ රියදුරු මහතා අබලන් රෝද මතින් මීටර 100 ක් පමණ ඉදිරියෙන් වූ මදක් ඉඩ සහිත ස්ථානයක් වෙත රථය පදවාගෙන ගොස් මාර්ගය ඉඩ දෙනු ලැබුවේ සිය රථය එම ස්ථානයේ අතහැර කැබ් සේවාවක සහය ලබන්නට තීරණය කරමිනුයි .

ආපදාවට ලක් රථය

තුන්මං හන්දියෙන්

ඔවුනට සමුදුන් අප තවත් කිලෝමීටරයක පමණ දුරකදී හමුවූ තුන්මං හන්දියෙන් උඩවේරිය තේ කරමාන්ත ශාලාව වෙත ප්‍රවේශ වුවා. පරිපාලනයෙහි සිදුවූ වෙනස්කමක් හේතුකොටගෙන තාවකාලිකව ක්‍රියා විරහිතව පැවති මෙම කර්මාන්ත ශාලාව ඉතා සුන්දර වටපිටාවක පිහිට තිබුණා.

උඩවේරිය තේ කරමාන්ත ශාලාව වෙත ප්‍රවේශ වුවා

තාවකාලිකව ක්‍රියා විරහිතව පැවති කර්මාන්ත ශාලාව

එතනින් ඔබ්බට මාර්ගයේ තත්වය වැඩිදියුණු වූ අතර මෙතෙක් අප විඳිමින් සිටි off road අත්‍දැකීම එයින් අවසන් වුණා. ඔහිය සහ බොරලන්ද හරහා ගොස් හපුතලේදී නැවත A4 මාර්ගයට පිළිපන් ජීප් රථය බණ්ඩාරවෙල ඔස්සේ බදුල්ලටත් එතනින් දවසේ ගමනාන්තය වූ පස්සරටත් පදවනු ලැබුවා.

ඔහිය සහ බොරලන්ද හරහා ගොස්


ජය වේවා!

මැණික් නිම්නය ඔස්සේ කෙටිම මඟකින් කතරගමට

ගොනු කර ඇත්තේ: කඳු තරණයසවාරි

Tags:

RSSComments (53)

Leave a Reply | Trackback URL

  1. admin says:

    නියම රිපොට් එක

    • viraj says:

      Hi Admin,

      මන බඳනා පින්තුර පෙළක් චාරිකා සටහනට එකතු කිරීම ගැන දිනේෂ්ටත් ස්තුතියි

  2. randika says:

    niyama trip eka………

  3. Praසන්ன says:

    ලස්සනයි. නියම චාරිකා සටහනක්.

  4. Mangala says:

    අපි 2000 බඹරකන්ද දිය ඇල්ල හරහා හෝර්ටන් තැන්නට පයින් ගියා. හොද අත්දැකීමක්.

    • viraj says:

      අනිවාර්යයෙන්ම සුන්දර අත්දැකීමක් තමයි
      මමත් ආසාවෙන් ඉන්නවා එවැන්නක් සදහා

  5. ලස්සන තැනක් ගැන කිව්වට ස්තුතියි ………..

  6. yasela says:

    බොහොම ස්තූතියි විස්තර වලට . මම මේක ම්ගේ ෆේස්බුක් එකේ ශේයර් කලා

  7. viraj says:

    ප්‍රසන්න ඔබටත් බොහොම ස්තුතියි

  8. dreezone says:

    නියමෙට ලියලා තියෙනවා. බොහොම ස්තූතියි…

  9. dreezone says:

    පොඩි දෙයක් දැක්කා. ලිපියේ අවුරුද්ද පොඩ්ඩක් වැරදිලා නේද?

  10. නියම ට්‍රිප් එක… කියන්න වචන නැ…

  11. Tharindu says:

    ණියම ට්‍රිප්එක මටත් යන්න ආස හිටෙනව

  12. Irosh says:

    එලකිරි මමත් මෙ ගමන යන්න ට්‍රය් කරනව
    තොරතුරු වලට තුති

    • viraj says:

      ස්තුතියි ඉරෝෂ්,
      ගිහින් ඇවිත් අපිටත් විස්තර කියන්න

  13. Rajitha says:

    නයිස් අයියා …. ගල්බොඩ මතක් උනා…

    • viraj says:

      ආයුබෝවන් රජිත මල්ලි
      කොහමද සැප සනීප …..
      ලඟදි අලුත් ට්‍රිප් එකක් එහෙම ගියේ නැතිද

  14. Prabhath says:

    Mangala Sahodara….Lankave man godakma yanna asa thenak thamai Bambarakanda, Lanka ella kiyanne.. ethana indan horton plains valata payin giya eka gena poddak visthara tikak dennako.. kochchara durak yanna thiyenavada payin giyoth…navathen ehema ganne kohomada.. loku udavvak.. me’ year eke apith yanna hithan inne…

    Viraj ayya….. great work… mamath 4 parak vithara Bambarakanda Lanka ella gihin thiyenava eth.. ella langata gihin beluva misak oyage paarak gena man danne ne.. godak asaven kiyavapu article ekak.. eththatama kiyanna vachana ne.. man denmama print ekak gaththa mage anith set ekatath pennanna.. ayith amuthuven visthara hoyanna one nethi venna lassanata photos dala visthara karala thiyenava oya.. thanx a lot

    • viraj says:

      ප්‍රභාත් මල්ලි
      කොමෙන්ටුවකින් දිරිමත් කිරීම ගැන බොහොම ස්තුතියි
      ගමන ගිහින් ඇවිත් අපිටත් විස්තර කියන්න

  15. Sanjeewa says:

    මම බොරලන්ඩෙ කෙනෙක්
    ගොඩාක් ලස්සන report එකක්.
    good luck

    • viraj says:

      සංජීව
      ඔයා ලංකාවේ ලස්සනම පළාතක ඉන්න කෙනෙක්
      මේ චාරිකාවේදී අපි දියතලාවට ගියේත් ඔයාලගේ ලස්සන පුංචි නගරය පහුකරගෙනයි
      කොමෙන්ටුවකින් දිරිමත් කිරීම ගැන බොහොම ස්තුතියි

      විරාජ්

  16. chamila says:

    Dear Viraj!

    This is a very exiting trip report. Really Good! How many Kilometers are there from Kalupahana to Ohiya through Devil’s Staircase?

    Chamila

    • viraj says:

      Hi Chamila,

      Thanks for the encouragement.
      As per my memory it’s nearly 20 km from Kalupahana to Ohiya. Road up to Bambarakanda from Kalupahana(6km)can be managed even by a car.

      BR

      viraj

  17. premanath says:

    Dear Viraj,

    It is great to see the information found in this site. I think any traveller would be keen on reading all interpretations available in this site together with the wonderful photographs.

    Please keep it up your good work!

    I wish you all the very best.

    Premanath

  18. Dinuka says:

    නියමය් අය්යෙ.ඔයාගෙ ලිපිය කියවල මමත් ගියා ඔය පාරෙ Bikes වලින්. බොහොම ස්තුතිය් !!!

  19. viraj says:

    අහන්නත් සන්තෝෂයි දිනුක මල්ලි,
    ඔයාලගේ අත්දැකීමත් අපිත් එක්ක බෙදාගන්නකෝ

  20. gayan asanka says:

    එක් දිනක් තුලදි ඔබ සැම හදුනාගෙන මෙම ගමනට යන්න ලැබිම මම අදටත් ඉතා ඉහලින් අගය කරන දේයක්. හරිම සුන්දර අත්දැකිමක් තමයි.

    • viraj says:

      ප්‍රිය ගයාන්,

      ඇත්තටම අදටත් මතක්කර කර රසවිදින්න පුළුවන් අත්දැකීම් සමූහයක් ලබපු, ඒ වගේම හොද යාළුවෙක් අළුතින් හදුනාගන්න ලැබුන, සුන්දර චාරිකාවක් ඒක.

      ස්තුතියි.

  21. saman says:

    excellent work……go a head…

  22. Niroshan Senanayake says:

    බොහොම ඉස්තුති , ඉතමත් අගය කිරිමක් කරනව මෙ චරිකා සටහන් ලබා දිම. 2011 November වල මෙ පාරේ Oහිය සිට කලුපහනට අවා හවස 2.00ට පමන පටන් ගත් ගමන හවස 6.00 විතර වන විට කලුපහනට පෑමිනියා. ඉතමත් ත්‍රාසජනක ගමනක් වුවා.

    • viraj says:

      හිතවත් නිරෝෂ්,

      අහන්නත් සන්තෝශයි. මිදුම කරදර කලේ නැතිද ?.

      දිරිමත් කිරීමට ස්තුතියි. දිගටම අපිත් එක්ක රැදෙන්න.

      • Niroshan Senanayake says:

        හිතවත් viraj,

        Oහියෙදි අහස පැහැදිලිව තිබු නිසා අවදානමකුත් සහිතව තිරනය කලා කලුපහනට ධාවනය කිරිමට, ඔබ කියන පරිදිම මෙ හදිසි තිරනය අප සියලුදෙනාටම ඉතාම ත්‍රාසජනක ගමනක් වුවා.
        මිදුම විටින් විට පැමිනියත් ගමනට අපහසු ලෙස කරදර කලේ නැහැ.
        මාර්‍රගය ඉතාමත් අවාදනම්, අප පැදවු Defender 110 රතය සමහර වංගුවල පසුපසට ධාවනය කිරිමට සිදු වුනා.
        ඔයා සහ සියලුදෙනාටම කරන ජාතික මෙහෙවරට තව තවත් දහිරිය ලැබෙවා.

  23. gim says:

    මෙම ගමනට අපත් සහභාගී වුනා වැනි හැගීමක් ඇතිවන අයුරින් රසවත්ව ලියා ඇත.
    මාර්ගයේ අතරමග දුරකථන සබදතා කෙසේද? signal තිබෙන mobile providers ලා සඳහන් කිරීමේ වරදක් මට නොහැගේ. එවන් තොරතුරක් මෙවන් අවදානම් ගමනක් යාමට අදහස් කරන අයකුට ඉතා වටී.
    ටයර හොඳ තත්වයේ තිබෙන සාමාන්‍ය කාරයකට මෙම මාර්ගයේ යාමට නොහැකිද?

    • viraj says:

      හිතවත් Gim,

      මාර්ගයේ අතරමග දුරකථන සංඥා ඉතාම දුර්වල අඩියක තමයි තියෙන්නේ. තැනින් තැන‍ට එක එක වර්ගයේ දුරකථන වලට සංඥා ලැබුනා. වර්ග 4 කින් ස්ම්පත් 4ක් ගෙනයාම තමයි වඩා හොඳ.

      //ටයර හොඳ තත්වයේ තිබෙන සාමාන්‍ය කාරයකට මෙම මාර්ගයේ යාමට නොහැකිද?//

      හිතන්නවත් එපා

  24. gim says:


    //ටයර හොඳ තත්වයේ තිබෙන සාමාන්‍ය කාරයකට මෙම මාර්ගයේ යාමට නොහැකිද?//
    හිතන්නවත් එපා

    දැනුවත් කිරීමට ස්තුතියි. මා අසා ඇත්තේ මෝඩ පැනයක් විය හැක. කෙසේ නමුත් මෙම ජායාරුප මගින් එවන් අපහසුතාවක් මා හට නොහැගේ. මෙම රූප මගින් පෙනෙනවාට වඩා ඉතා අපහසු මාර්ගයක (කොළඹ දිස්ත්‍රික්කයේ) මා හට දිනපතා ගමන් කිරීමට සිදුව ඇත. 😀

    • viraj says:

      හිතවත් Gim

      //මෙම ජායාරුප මගින් එවන් අපහසුතාවක් මා හට නොහැගේ//
      කාරණය ඇත්ත. ඒ මෙහි පින්තූරවලින් මාර්ගයේ සැබෑතත්වය ඔබට ඉදිරිපත්කරන්නට අප ක්‍රියා නොකල නිසයි.

      හැබැයි මෙහෙම ලිව්වා,
      //බඹරකන්ද සිට උඩවේරිය දක්වා වූ මාර්ගය පටුවුත් ; දැඩි බෑවුම් සමග වැලමිටි වංගු සහිතවුත් දුෂ්කර කඳුකර මාර්ගයකි. මාර්ගයේ මතුපිට තත්වයද යහපත් නොවන අතර තියුණු ගල් පතුරු ඔබේ ටයර මත සිය අණසක පැතිරවීම සදහා පෙළගැසී හිඳී. වසර පුරාවටම දවසේ වැඩි කාලයක් මිහිදුමින් වැසී පවතින මෙම මාර්ගය ඉතා සුන්දර භුමි දර්ශනයන්ගෙන් පොහොසත් වන නමුදු මෙම අත්දැකීම ලැබීම සඳහා පළපුරුදු රියදුරෙකු විසින් මෙහෙයවනු ලබන ජව සම්පන්න සේම විශ්වාසනීයවූ රළු වාහනයක් අත්‍යවශ්‍ය වේ.//

      ඝණ ටයර සහිත, උස වාහනයක් මේ ගමනට අත්‍යවශ්‍ය වෙනවා. ඒ වගේම බර අඩු වුනොත්, දැඩි ආනතියක් සහිත සහ බුරුල් වූ ගල් සහිත මාර්ග ඇති ස්ථානයන්හිදී රෝද එකතැන කැරකෙමින් ලෙස්සායාමේ හැකියාවක්ද පවතිනවා. බැරි වෙලාවත් එන්ජිමෙහි පතුල ගල්වල හැපී තෙල් කාන්දුවුවහොත්, ලඟම ඇති ගරාජයට රබර් හැතැප්ම 20ක් වත් යන්න වෙනවා. ඒකත් බොහොමයක්වෙලාවට බයිසිකල් වින්කලයකට වඩා ලොකු වැඩපලක් වෙන එකක් නැහැ.

      ඔන්න ඕකයි තත්වය.

      • gim says:

        “ඔන්න ඕකයි තත්වය.”

        කාලෙකට පස්සේ අද තමයි මේක බැලුවේ. තත්වයේ තියෙන බරපතලකම හොඳට පැහැදිලි කරලා තියෙනවා. පැහැදිලි කිරීම උපරිමයි.

        • viraj says:

          හිතවත් Gim,

          මුරණ්ඩු හිතකුයි, පලපුරුදු රියදුරෙකුයි, විශ්වාසවන්ත වාහනයකුයි (4WD නැතත් හැබැයි Ground clearance එකනම් වැඩි වාහනයක් වෙන්න ඕන ) තියෙනවානම් යක්ෂයාගේ පඩිපෙල තරණය කරනඑක අමාරු වැඩක් නෙමෙයි. හැබැයි අර කිව්ව අවදානම දරාගන්න පුළුවන් වෙන්න ඕන.

          පාර හදන්න කලින් මේ ගමන යන්න…. ඒක ජීවීතය පුරාවට මතක තියෙන සුන්දර අත්දැකීමක් වේවි අනිවාර්යයෙන්ම.

          මේවගේ ගමන් ගැන මගේ අත්දැකීම් සමහරක් පහත සබදතාවයෙනුත් කියවන්න පුළුවන්.

          http://www.traveljournals.net/travelers/viraj/

          • Gim says:

            ඔහියෙන් පටන් අරගෙන මේ මාර්ගය දිගේ අපි 4 දෙනෙක් පා ගමනින් කලුපහනට පැමිණියා. ජීවිතේ ලබපු අසීරු වගේම, ඉතාමත්ම සුන්දර අත්දැකීමක් වුවා. එම ගමන සඳහා මා පෙලඹවූයේ ඔබගේ මෙම චාරිකා සටහනයි. අද දිනයේ නැවත මෙම සටහන කියවද්දී ලැබූ තෘප්තිය උපරිමයි. අපගේ චාරිකාවට සහභාගී වූ සියලු දෙනා වෙනුවෙන් මා ඔබට ඉත්මත්ම ස්තුති වන්ත වෙමි. එසේම මෙවන් චාරිකා සටහන් අඩවියක් පවත්වාගෙන යන Admin ටත් අපගේ ස්තුතිය හිමි වේ.

  25. lucky says:

    බොහෝම ස්තූතියි මේක ගැන කිව්වට.කාලයක් තිස්සේ හොය හොය හිටපු තැනක්.අපි කට්ටියක් යකාගේ පියගැටපෙලේ යන්න හිතන් ඉන්නවා.ඔහියට කෝච්චියේ ගිහින් ඔහියේ ඉඳන් තමයි චාරිකාව පටන් ගන්න හිතන් ඉන්නේ.මේකේ පයින් යාගන්න පුලුවන්ද? කොච්චර දුරද යකාගේ පියගැටපෙල කියන හරිය? උදේ පටන් ගත්තොත් යකාගේ පියගැටපෙල තරණය කරලා හවස් වෙද්දි ආපහු ඔහියට හරි පට්ටිපොලට හරි එන්න පුලුවන් වේවිද? කෝච්චියේ යන්න හිතන එක මෝඩ තීරණයක්ද?

    • viraj says:

      හිතවත් lucky,

      //උදේ පටන් ගත්තොත් යකාගේ පියගැටපෙල තරණය කරලා හවස් වෙද්දි ආපහු ඔහියට හරි පට්ටිපොලට හරි එන්න පුලුවන් වේවිද?//

      අපොයි පුළුවන්. ඔහියේ ඉදලා යකාගේ පියගැටපෙල දක්වා මාර්ගය සාපේක්ෂව බමරකන්ද පැත්තට වඩා හොදයි. ඇරත් කැමතිනම් උඩවේරිය තේ කම්හල කිට්ටුවට එනතුරු ත්‍රිරෝද රථයක වුනත් එන්න පුළුවන්.

      // කෝච්චියේ යන්න හිතන එක මෝඩ තීරණයක්ද?//
      අපොයි නැහැ. ඔහියෙන් එහා පා ගමන පොඩ්ඩක් දුෂ්කර වුනත් අනිවාර්යයෙන්ම සුන්දර චාරිකා අත්දැකීමක් විදින්න පුළුවන් වේවි.

      ගිහින් ඇවිත් අපටත් විස්තර කියන්න,
      සුභ ගමන් !

  26. viraj says:

    Quote :”Gim says:
    September 3, 2012 at 2:39 am

    ඔහියෙන් පටන් අරගෙන මේ මාර්ගය දිගේ අපි 4 දෙනෙක් පා ගමනින් කලුපහනට පැමිණියා. ජීවිතේ ලබපු අසීරු වගේම, ඉතාමත්ම සුන්දර අත්දැකීමක් වුවා. එම ගමන සඳහා මා පෙලඹවූයේ ඔබගේ මෙම චාරිකා සටහනයි. අද දිනයේ නැවත මෙම සටහන කියවද්දී ලැබූ තෘප්තිය උපරිමයි. අපගේ චාරිකාවට සහභාගී වූ සියලු දෙනා වෙනුවෙන් මා ඔබට ඉත්මත්ම ස්තුති වන්ත වෙමි. එසේම මෙවන් චාරිකා සටහන් අඩවියක් පවත්වාගෙන යන Admin ටත් අපගේ ස්තුතිය හිමි වේ.” Quote/

    අපගේ චාරිකාසටහනක් ඔබගේ චාරිකා අත්දැකීම් වඩ වඩාත් සුන්දර කිරීමට දායකවූයේනම් එය නඩේගුරා කණ්ඩායම විදිහට අපගේ අභිප්‍රායන් කිහිපයක් මල්ළුල ගැනීමක් විදිහටයි මම නම් දකින්නේ. එය ඇත්තෙන්ම සංතෝෂයට කාරණයක්.

    ඒ වගේම මෙලෙසින් චාරිකාව අවසානයේදී අපහට කෘතගුණ දැක්වීම පිලිබදව ඔබටත් අපගේ අවංක ස්තුතිය පලකරන්න කැමතියි.

    “නඩේගුරා සමග දිගටම රැදෙමු. වගකීම් සහිත දේශීය සංචාරක සංස්කෘතියක් වෙනුවෙන් යමක් කිරීමට එක්වෙමු.!“

    විරාජ්.

  27. කසුන් says:

    මම ඇත්තටම අදහස් කරගෙන ඉන්නවා බඹරකන්ද ඇල්ල බලන්න යන්න. දැනගන්න කැමතියි මේ පැත්කෙ ලඟදි ආ ගිය කෙනෙක් ඉන්නවනම් දැන් ඒ මාර්ග වල තත්වය කොහෙමෙද කියල. මට යන්න වෙන්නෙ නම් ඉතිං මරුටි යක තමයි. චාරිකා සටහන කියෙව්වට පස්සෙ කොහොමත් බඹරකන්දෙන් එහාට යන්න අදහසක් නම් නෑ මගේ වාහනේ හැටියට. ඒත් දැනගන්න කැමතියි බඹරකන්ද දක්වා වත් පහසුවෙන් යන්න පුළුවන් වේවිද කියල.

    ඒත් එක්කම මේ මාර්ගයේ හෝර්ටන් තැන්නට ගිහින් එන්න (පා ගමනින්) කොච්චර විතර වෙලාවක් යාවිද? දුර පුමාණය ගැන එහෙම අදහසක් තියන කෙනෙක් ඉන්නවනම් කියන්න. මොකද පස්සෙ දවසක හරි මම අනිවාර්යයෙන්ම මේ ගමන යනවා. :)

    බොහොම ස්තූතියි මෙවන් රසවත් ලිපි සහ අදහස් පළකිරීම සම්බන්ධව…

    • viraj says:

      හිතවත් කසුන්,

      මරුටියකට බොහොම පහසුවෙන් බමරකන්ද දක්වා යන්න පුළුවන්.

Leave a Reply