• බිමට ජලය අව්, වැසිආවරණයක් අතිශය ප්‍රයෝජනවත් විය හැක.

• සල්ගල ආරණ්‍ය සේණාසනය බාහිර ලෝකයට විවෘත වන්නේ උදැසන 8ත් දහවල් 1.30 ත් අතරය.එම කාලය තුල පමණක් මෙම සිධස්ථානයට ඇතුලු විය හැක.

• පුජනිය ස්ථානයක් බැවින් නිශ්ෂබ්දව විනිතව හැසිරෙන්න. පුජනීය ස්ථානයකට උචිත අයුරින් යන්න.

• චාරිකා අවසානයේ ඡායා රුප පමණක් රැගෙන එන්න අන් කිසිවක් රැගෙන නො-එන්න

පිදුම, බිරිඳ ලළිඳි කෞෂල්‍යාට සහ සියලුම පරිසර හිතකාමින්ට !

ගවේෂණශිලී කාගේත් බලාපොරොත්තුව තමයි කෙටිකාලයකින් අඩු වියදමකින් විදින්න පුලුවන් විවිදත්වයක් සහිත ස්ථානයන්ට එක චාරිකාවකින් ළගා විම , අන්න එවැනි අයවෙනුවෙන් තමයි අද දවසේ සිට ඉදිරියට මම චාරිකා සටහන් ඉදිරිපත් කරන්නේ. මේ යටතේ සල්ගල සල්ගල අරණ්‍ය සේණාසනය(ගලපිටමඩ), දුනුමාල ඇල්ල ( අල්ගම ) , අලවල පොත්ගුල් ගල්ලෙන් රජමහාවිහාරය, අත්තනගල්ල රජ මහාවිහාරය යන ස්ථාන පිළිඹදව සටහන් තබනවා. සියලු ස්ථාන එකවර සටහන් කල හැකි නමුත් වඩාත් පැහැදිලිවත් වැඩි ඡායා රුප ප්‍රමාණයක් එක් කිරිම සදහාත් සියලු චාරිකා ස්ථාන වෙන වෙනම ඉදිරිපත් කරන්න අදහස් කරනවා.

අද දිනයේ මම චාරිකා සටහන් තබනුයේ නිහඩ අරණ සල්ගල ආරණ්‍ය සේණාසනය ගැනයි. සල්ගලට ලඟා වියහැකි පහසු ක්‍රම කිහිපයක් තිබෙනවා. නිට්ටඹුව හංවැල්ල පාරේ නිට්ටඹුවේ සිට කී.ම්. 06ක් පැමිණ අත්තනගල්ල හන්දියෙන් හැරි අල්ගම හරහා තවත් කි.මී 13ක් පමණ ගලපිටමඩට පැමිණ එතනින් තවත් කී.මි 4ක් පමණ තරමක් දුෂ්කර මාර්ගයක පැමිණ සල්ගල සල්ගල අරණ්‍ය සේණාසනයට එන්න පුලුවන්. මිට අමතරව වරකාපොල අගුරුවැල්ල පාරේ ගලපිටමඩ හරහා සල්ගලට එන්න පුලුවන්.

සල්ගල අරණ්‍ය සේණාසනය පිහිටා තිබේන්නේ කෑගල්ල දිස්ත්‍රිකයේ පිහිටා ඇති වැහැල්ලව රක්ෂිතය තුලයි මෙම වනාන්තරය පහත රට තෙත් සදාහරිත වනාන්තරයක්. හෙක්ටයාර 134.4 භුමි ප්‍රමාණයක පිහිටා ඇති වැලැල්ල 1949 රක්ෂිතයක් බවට පත්කරන ලදි.

සල්ගල රක්ෂිත භුමියක් නිසා මෙහි වැඩ වසන භාවනා යෝගී භික්ෂුන් වහන්සේලාට විශාල පිරිසකට උචිත පරිසර තත්වයන් ඇතිකර තිබෙනවා! සල්ගල විහාරයට රක්ෂිතය හරහා කී.මි. 01-1.5 ක පමණ පාද චාරිකාවකින් පසුව පැමිණිය හැකියි. මේ දුර ප්‍රමාණය අතිශය චමත්තාර සුන්දර පාද චාරිකාවක් වනුනොඅනු මානය මගදිගට ඇති දැවැන්ත වෘක්ෂලතා වලින් සැදි හරිත පැහැ උඩුවියන දාහය රශ්මියෙන් තොර සිසිල් පරිසරක් ඇති කරන්නේය. නාගරික ඝෝෂාකාරි කලබලයෙන් වෙන්ව ඇති මෙහි නිහඩ නිස්කලන්ක බව දැහැන් වඩන භික්ෂුන්ට පමණක් නොව පරිසරයට ලොබ බදින කවරෙකුට වුව අමෘතයකි. මග දෙපස අතරින් පතර භාවනායොගී භික්ෂුන් උදෙසා ගොඩනගන ලද සරල කුටිද දක්නට ලැබේ.

ගල් පඩි නගිමින් විහග ගීත නාද මැද පැයක පාද චාරිකාවකින් පසු අප සල්ගල අරණ්‍යසේනාසන විහාරයට පැමිණියෙමු. සල්ගල විහාර භුමිය තුලද ලෙන් ගුහා කිහිපයක් දක්නට ලැබේ. එම ලෙන් තුලද ඉදිකරන ලද භාවනා කුටිවේ. මෙම කුටි අසල පිළිකුල් භාවනාව පිණිස යොදාගන්නා මිනි ඇට සැකිලි ද. සක්මන් මලුද විය. සල්ගල විහාර මන්දිරයද ෛචත්‍යයද වන්දනා මාන කිරිමෙන් අනතුරුව විහාරයේ ඉහල කොටසට අපි පිවිසුනේමු.

තවත් විනාඩි කිහිපයක ගමනකින් පසුව විහාර භූමියේ කෙලවර පිහිටි කුඩා ගල් කුලු 02ක් මත වු බැලුම් ගලයි. මෙහි එක් ගල් කුලක් මත ඝන්ඨාර කුලුනක් විය. මෙහි සිට අවට හරිත නිම්නය මනාව දැකිය හැකිය. මාගේ සීමා සහිත වු චාරිකා දිවිය තුළ මා දුටු දර්ශනියම පසු තලය සහිත බැලුම් ගල මෙය යැයි මාගේ හැගිමයි. බැලුම්ගලින් පසුව විහාරයේ ටික වෙලාවක් රැදිසිටිමෙන් පසු අපගේ අනිත් චාරිකා ස්ථානය වු දුනුමාල ඇල්ල බලා ගමන් අරම්භ කෙරුවෙමු.

ඔබගේ චාරිකාව මෙහි වැඩ වසන භික්ෂුන් වහන්සේලාට හිරිහැරයක් බාධාවක් නොවිය යුතුයි ! සල්ගල චාරිකාව විනෝද චාරිකාවක් නොවන බව තරයේ සිහිතබා ගන්න. බිමතින් විහිලුවෙන් අවිනිත ලෙස සල්ගල චාරිකාවට එක් නොවන්න. සල්ගල අරණ බුද්ධ පුත්‍රයන් වහන්සේලා දැහන් සමවදින පින් බිමකි. දුනුමාල ඇල්ල චාරිකා සටහනින් හමුවෙනතුරු…

ආයුබෝවන්!