ඔහිය සිට කළුපහනට, යකාගේ පඩිපෙළ හරහා පාද චාරිකාවක්

කතෘ : එන්. රාජේශ් හෙට්ටිආරච්චි
කතෘ හා සම්බන්ද වන්න : nrajeshh@gmail.com
අවුරුද්ද & මාසය දින ගණන පුද්ගලයන් කාලගුණය ප්‍රවාහනය
2012 අගෝස්තු 3 4 උදැසන සිරි පොද සහිත, දිනය පුරා වියළි කාලගුණයක් දුම්රිය, බසය සහ පාගමන
මාර්ගය
පොල්ගස්ඕවිට ->කොළඹ කොටුව දුම්රියපළ ->ඔහිය->හෝර්ටන්තැන්න ->ඔහිය -උඩවේරිය වතුයාය ->යකාගේ පඩිපෙළ -> බඹරකන්ද -> කළුපහන ->කොට්ටාව -> පොල්ගස්ඕවිට
නවාතැන
ඔහිය දුම්රියපල අසල නවාතැනක්
විශේෂ කරුණු හා මතක තබා ගත යුත් දේවල්
  • බිමට ජලය රැගෙන යාමත් කුඩයක් වැනි අව් වැසි ආවරණයක් රැගෙන යාමත් වැදගත් විය හැක.

  • සීතලට අවශ්‍ය ඇදුම් රැගෙන යන්න.

  • පාගමනින් යන නිසා අවම ඇදුම් සහ භාණ්ඩ ප්‍රමාණයක් රැගෙන යන්න.

  • පිටේ එල්ල ගත හැකි බැගයක් වඩාත් සුදුසුය (දෑත නිදහස්ව තිබීම පාගමනේදී පහසුවකි).

  • ජාතියට ජිවය දෙන්නා වූ මධ්‍ය කදුකරයේ නොදිරන ද්‍රව්‍යය හැකිතාක් ඉවත් කිරීමට දායක වන්න.

පිදුම, සංචාරයට රුචි ඔබ සැමට.

අප කණ්ඩායම අගෝස්තු මස තිස්වැනි දින සවස නිවසින් පිටත්ව (පොල්ගස්ඕවිට) කොළඹ කොටුව දුම්රියපළට පැමිණෙන විට සවස හත පමණවි තිබිණ. අප විසින් දුම්රිය නිදන මැදිරි දින 14 කට කලින් වෙන්කර තිබීම පහසුවක් විය. (මොබිටෙල් 365 කතා කිරීමෙන් මෙය කරගත හැක. දුම්රිය පිටත් වන්නේ රාත්‍රී 7:50 ටය. මෙම දුම්රිය ඔහියට ළඟා වනවිට උදැසන 4:30 පමණවේ. ඔහිය දුම්රිය පළ ඉදිරිපිට කඩයේ හිමිකරුවන ගාමිණී මහතා අපගේ නවාතැන් සහකරුවේ. දුම්රිය ඔහියට පැමිණෙන විට ඔහු දුම්රියපොළට පැමිණ සිටි අතර අප නවාතැන් ගත්තේ ඔහුගේ නිවසෙහිය.

ඔහිය දුම්රියපළ

දුම්රියපළ ඉදිරිපිට ගාමිණී මහතාගේ කඩය සහ ඔහුගේ වැන් රථය. රතු පැහැති ඇදුමින් සිටින්නේ ඔහුය.

පසුදින පාන්දරින්ම අප ගමන ආරම්භ කිරිමට අදහස්කර සිටියත් පෙරදින දුම්රිය ගමනේ නිදිවර්දිත බව නිසා අවදිවනවිට හත පසුවී තිබිණ. අප ගමන ආරම්භ කරනවිට අටත් පසුවී තිබිණ. මේ නිසා ගාමිණී මහතාගේ රථයෙන් අපව මහඑළිය (හෝර්ටන්තැන්න) දක්වා ඇරලවාගතිමු. මේ අතර මැදදී නැරඹිම සදහා ප්‍රවේශපත්‍ර ලබා ගත යුතුය.

ඔහිය සිට මහඑළිය දක්වා දිවෙන මාර්ගය.

ගමන අතරමැද ඇති දේවාලයට පඬුරක් දමා යාමටද අපි අමතක නොකළෙමු.

ප්‍රවේශපත්‍ර ලබාගන්නා ස්ථානය

ප්‍රවේශපත්‍ර ලබාගන්නා ස්ථානයේ සිට මහඑළිය ඇතුළුවීමේ ස්ථානයට තවත් කිලෝමීටර 6 ක් පමණ තිබේ. අප එහි ළඟාවනවිට මද වැසි සහිත පින්නක් පතිතවෙමින් තිබිණ.

මහඑළිය ඇතුළුවීමේ ස්ථානයට ඒමට පෙර පහත කරුණුමතක තබා ගන්න.

1.පොලිතින් හෝ ඒ ආශ්‍රිත දවටන කිසිවක් රැගෙනයාමට අවසර නැත. ඔබගේ ආහාරපාන කඩදාසි බැගයක රැගෙන යන්න.

2.ප්ලාස්ටික් වතුර බෝතල් වල ලේබල ගලවන්න. (ප්ලාස්ටික් බෝතල් රැගෙන නොයන්නේ නම් වඩාත් සුදුසුවේ. එය ඔබට අමතකවී මහමග දමාඑන බැවින.)

3.හැකිතාක් නිහැඬියාව රැකගන්න. එවිට ඔබට ස්වභාවධර්මය විඳගැනීමට හැකිවනු ඇත. කුරුල්ලන්ගේ කිචිබිචිය සහ ගෙම්බන් වැනි සතුන්ගේ හඬ එකතුවීමෙන් අපුර්ව මිහිරියාවක් ඔබට ලැබෙනු ඇත. ඔබගේ හඬ ඔබටත් වඩා අන් අයටද කරදරයක් වනු ඇත.

මහඑළියට (හෝර්ටන්තැන්න) ඇතුළුවන මාර්ගය.

මම පුද්කලිකව මෙම සතුනට අහාර දීම අනුමත නොකරමි. අහාර දීමෙන් ඔබ ඔවුන්ගේ අහාර රටාව වෙනස් කරනු ඇත. මෙය ඔවූන්ගේ පැවැත්මට අහිතකර වනු ඇත. අඩුම තරමේ ප්ලාස්ටික් ද්‍රව්‍ය කෑමට දීමෙන්වත් වලකින්න.

මහඑළිය නැරඹීමේ මාර්ගය වටරවුම් මාර්ගයකි. මින් අප තොරා ගත්තේ වම් පස මාර්ගයයි . පළමුව අප ලෝකාන්තය නැරඹීමට තීරණය කළෙමු. ඒ සදහා අඩුම දුර ඇත්තේ මෙහිය.

මාර්ගයේ මඳක් දුර යනවිට අපට අලුත් අමුත්තෙකු හමුවිය. ඒ අපටම අවේනික වූ අංකටුස්සාය.අප ඔහුට සමුදී කුඩා ලෝකාන්තය වෙත ළඟා වනවිට උදැසන 9:00 පමණ විය.

කුඩා ලෝකාන්ත ඉතා දර්ශනීය තැනකි. අප යනවිට පැවති අඩු මීදුම් තත්වය නිසා මෙම මනරම් දර්ශනය නැරඹීමට අප භාග්‍යවන්තවිමු.

ලෝකාන්ත

මේ අපගේ නඩයයි

එතනින් නික්ම අප බේකර්ස් දිය අල්ල නැරඹීම සදහා ගමන් ඇරඹුවෙමු. මෙය නැරඹීම සඳහා ප්‍රධාන මාර්ගයෙන් හැරි ටිකදුරක් යා යුතුය. ඒ සඳහා මාර්ග 2 කි. ලෝකාන්තයේ සිට එනවිට ලැබෙන පළමු මාර්ගය හරහා යාමෙන් ඇල්ලේ පහළ කොටසට යාහැක. එම ස්ථානය නෑම සඳහාද සුදුසුවේ. අප භාවිතා කළේ ද මෙම කොටසය. දෙවන මාර්ගය සඳහා පළමුව හැරෙන මාර්ගය පසුකොට මදක් දුර යායුතුය. මෙම මාර්ගයේ ගියකළ ඇල්ලේ ඉහල කොටසට යාහැක. එම ස්ථානයේ ඇල්ල නැරඹීම සඳහා වේදිකාවක් ද සකස්කොට ඇත.

සුන්දර බෙකර්ස් ඇල්ල

බේකර්ස් ඇල්ල මුදුනත ඇති ගල් පුවරුමතට ගොස් මෙම අත්දැකීම ලබාගැනීමට තරුණයන් උත්සාහ දැරුවත් මෙය ඉතා අනතුරුදායක ක්‍රියාවකි. මෙම දිය ඇල්ලේ පහළ වතුර වැටෙන ස්ථානය අඩි 50 – 60 හෝ ඊටත් වඩා ගැඹුරු වේ.

අලංකාර බෝවිටියා මලක්

ආපසු එන මාර්ගයේදී අපට හමුවූ මහරත් මලක්

චිමිනි පොකුණ

ආපසු එන ගමනේ දී කිලෝමීටර 11 පමණ වන දුර පා ගමනින්ම ඒමට පිටත් වීමු. මහඑළිය පාරසරික සුන්දරත්වය විඳගැනීමට නම් ඔබ පාගමනින්ම මෙම දුර ගමන් කළ යුතුය.

මෙම මාර්ගයේ දෙපස බොහෝ ස්ථානවල අප විසින් ඉවතලන ප්ලාස්ටික්, පොලිතීන්, ටින්-භාජන වැනිදේ දකින්නට ලැබෙන අතර ඒවා එකතුකර කසල බඳුන් තුළට දැමීමටත් අපි අමතක නොකළෙමු.

දෙවන දවසේ අප උදයෙන්ම නැගිට පිටත්වුයේ උඩවේරිය වතුයාය හරහා කළුපහන දක්වා පාගමනේ යාමටය. මෙම මාර්ගයේ මුළුදුර කිලෝමීටර 22 පමණ වේ. නමුත් තේ වතු මැදින් වැටි ඇති කෙටිමාර්ග ඔස්සේ ගමන්කිරීමෙන් කිලෝමීටර 5 හෝ 6 පමණ අඩුකර ගත හැකිවේ.

මෙම ගමනේදී ඔබ පහත කරුණු කෙරෙහි සැලකිලිමත් වන්න.

1.ඔහිය සිට කිලෝමීටර 3 පමණ යාමේදී උඩවේරිය ස්ටේට් (Udaweriya Estate) යනුවෙන් නම්කළ පුවරුවක් සහිත අතුරු මාර්ගයක් වම්පසට දක්නට ලැබෙන අතර මෙය දුරින් වැඩිය. (නමුත් ඔබ වාහනයක යන්නේ නම් වඩාත් සුදුසු මෙම මාර්ගයි) මෙම මාර්ගය පසුකොට තවත් කිලෝමීටර 2ක් පමණ යනවිට වම්පසට දිවෙන අතුරු මර්ගය පාගමන සදහා වඩා සුදුසුය. අප තෝරා ගත්තේ මෙම මාර්ගයි.

2.හැකිතාක් ගෙනයන භාණ්ඩ ප්‍රමාණය අඩුකරගන්න.

3.ආරම්භයේදී මද දුරක් යනවිට පහළින් ටකරං වහලය සහිත ගෙවල් කීපයක් දිස්වනු ඇත. එය වෙත ඔබගේ මාර්ගය යොමුකරන්න. එවිට නිවැරදි මාර්ගයේ යාහැක.

මාර්ගය ආරම්භයේදී මෙසේ දිස්වේ

අප ගමන් කළයුතු මාර්ගය. තේ පඳුරු අතරින් වැටි ඇති කෙටිමාර්ග සොයාගැනීමෙන් ගමන කෙටිකරගත හැක

පහළින් දක්නට ලැබෙන ටකරං වහල සහිත ගෙවල්

මාර්ගයේ දුර දැක්වෙන පුවරු. මෙ‍තනට ළඟාවීමට ඔහිය සිට කිලෝමීටර 8 පමණ පැමිණිය යුතුය.

මෙම මාර්ගයේ ඇති සුන්දරත්වය විඳ ගැනීමට පා ගමනිනන්ම යා යුතුය. දෑසින් දකින සුන්දරත්වය එළෙසින්ම සටහන් කිරීමට ප්‍රමාණවත් කැමරාවක් අප සතු නොවීම අභාග්‍යකි.

මාර්ගය දෙකට බෙදෙන ස්ථානය, මින් පහළ මාර්ගයේ යායුතුය.

යකාගේ පඩිපෙළ ආරම්භ වන ස්ථානය. මෙතැන් සිට කන්ද මුදුනට යාමෙන් පසු දිගටම හමුවන්නේ පල්ලමය.

යකාගේ පඩිපෙළ නගිමින්

යකාගේ පඩිපෙළට පසුව හමුවන පල්ලමක්

දිය ඇල්ලට ජලය සපයන ජලපෝෂකය. මෙය නෑම සඳහා හොඳ ස්ථානයකි.

වතුර පතුල පෙනෙන තරමට ඉතා පැහැදිලිය.

දිය කඩිත්ත පසුකර යන විදේශිකයන් රැගත් වාහනයක්.
අධික වැසි කාලයේදී මෙම මාර්ගය අවහිරවනු ඇත.

වී කැපුම (V Cut) ස්ථානය පසු කරමින්.

වී කැපුම ස්ථානයේ සිට පහත බැලුකළ පෙනෙන අප ගමන් කළයුතු මාර්ගය.

අපි තවමත් පල්ලම් බසිමින් සිටිමු.

වී කැපුම ස්ථානය පසුකළ විගස පහළින් පෙණෙන බඹරකන්ද ඇල්ල. මාස 5 කින් පමණ වැසි ලැබී නැති බැවින් දිය දහරාව සිහින් නූල් පොටක් සේ දිස්වේ.

මාර්ගයේ ඇති තවත් මනරම් වෘක්ෂයක්

බඹරකන්ද දිය දහරාව. වැසි නොලැබීමෙන් කඩාහැලෙන ජල දහරාව පටුවී ඇත.

කළුපහන මංසන්දිය. මෙම මංසන්දියේ ඇති තේ කඩයෙන් තේ පානය කළ අපි කොළඹ දක්වා යන බසයකට ගොඩවීමු. මාර්ගයේ සුන්දරත්වය මතක් වනවිට නැවත යාමට සිතේ.

ඔබ සැමට අප දේශයේ සුන්දරත්වය විඳීමට ලැබේවා!

(මෙය සඳහා රාජ්‍ය ආරක්ෂක දෙපාර්තුමේන්තුවේ ලිකිත අවසරය අනිවාර්යය වේ.)

ගොනු කර ඇත්තේ: දිගු දුරක් ඇවිදීමදියඇලි

Tags:

RSSComments (19)

Leave a Reply | Trackback URL

  1. Amila Gamage says:

    මම ඉතාමත් මෑතකදි තමයි නඩේගුරා සයිට් 1 දැක්කේ.ඉඩක් ලැබෙන හැම වෙලාවකම දැන් කරන්නේ පරන ලිපි ටික කියවන එක.ලංකාවට ආපු දවසට අනිවාර්යෙන්ම සාමාජිකයෙක් වෙනවා.ඒ වගේම සිරීපාදේ පොලිතින් අයින් කරන්න සහභාගි වෙනවා…
    නඩේගුරාට ජය…..

  2. බොහොම ස්තුතියි තොරතුරු වලට.ගියෙ සතියෙයි කිරිගල්පොත්ත නැගලා ආවෙ!

  3. Suranga says:

    කලුපහන සිට උඩුවේරිය හරහා හෝටර්න්තැන්නට යන පාරේ ගමන් ගැන පළවන ලිපි ඉතා අඩුය. එබැවින් ඉතාමත් වැදගත් ලිපියක්. ඔබ ඇතුළු කණ්ඩායම පාගමනින් මෙම ගමන ගිය බැවින් වාහන වල ගමන් කරන අයට වඩා අතර මග වඩාත් හොදින් ඡායාරෑප ගැනීමේ හැකියාව තිබෙන්නට ඇත. තවත් එම ඡායාරූප ඇත්නම් ඉදිරියේදී මෙම අඩෙවිය හරහා ලබා දෙන මෙන් ඉල්ලමි.

  4. roville says:

    Wonderful journey, beautiful scenery, spectacular views. thank you guys for the amazing trip profile. heaven is surly a place on earth.

  5. Anusha says:

    ජයාරෑප ටිකත් ගොඩක් ලස්සනයි. ස්තුතිය.!

  6. U says:

    හරිම ලස්සනයි. හොද ගමන් විස්තරයක් වගේම ලස්සන චායාරූප ටිකක්.
    දිගටම ලියන්ට.
    ජය!

  7. Raj says:

    නියමයි

  8. විරාජ් අයියා හා දිනේෂ් මේ අය යකාගේ පඩිපෙල කියලා තිබුනාට නැනේ එගැන කිසිම ඡායාරැපයක්. අපිනේ ගියේ නියම යකාගේ පඩිපේලේ නේද ? කිසිදාක අමතක වෙන්නේ නැ දිනේෂ් ඔබ මාව එගමන යැම සදහා එක්කර ගත් අවස්ථාව. පයින් යැම නම් හොදයි. නමුත් අපි නම් ගියේ එළ වන්ඩියෙක නේ විරාජ් අයියා.

  9. mallawa says:

    nade gura teem.i give u a challenge.if u can climb knukels hill?

  10. gamunu king says:

    ලස්සන පොටො ටික . සුබ ගමන් නඩෙගුර ටීම් එකට. තව තවත් ලන්කවෙ ලස්සන ස්තන ලොවටම පෙන්වෙමට ඔබල සියලුම ඩෙනට සක්තිය ලබෙව…

  11. පුස්තෙ says:

    අපිත් A/L කරලා ඉවර වෙච්ච ගමන් මහඑළිය ට trip 1ක් ගියා. සම්පූර්ණ දුරම ගියේ පයින්. සoචාරක සටහන හොදට ලියලා තියෙනවා. තවත් අත්දැකීම් එකතු කරන්න.

  12. Prasad says:

    කළුපහන ළඟම තියෙන town එක මොක්කක්ද?
    ප්‍රදාන මාර්ග ය මොක්කක් ද ? නුවරඑලිය හැටන් නුවරඑලිය බදුල්ල

  13. Rajesh says:

    බෙලිහුල්ඔයරත්නපුර සිට යනවිට බලංගොඩ ,බෙලිහුල්ඔය

  14. shaminda says:

    ඇත්තෙන්ම ඉතාමත් වටිනා වෙබ්අඩවියක්.ඔබ ගමන කල මෙම මාර්ගයේ මීට වසර 2 කට පෙර පාර වැරදමකින් මම බයික් එකකින් ගියා තනිවම.ඉතාමත් සුන්දර අත්දැකීමක් මෙම මාර්ගයේ ගමන කිරීම….ඔබගේ පොස්ට් එක දකිනවිට මට එම ගමන නැවත මතක් උනා…..

  15. shaminda says:

    මෙහි ලගා වීමට තවත් පහසු මාර්ගයක් නම්,හපුතලේ සිට බොරලන්ද හරහා ඔහිය මාර්ගයයි………

  16. viraj says:

    සුන්දර චාරිකා සටහනක් !

    මේක කියවනකොට වසර කිහිපයක අතීත මතකයන් අළුත්වෙනවා.

    බොහෝම ස්තුතියි.

  17. Pad says:

    ආයිත් පාරක් එන්න බලන්න බමර කන්ද එල්ලට එහාපෙත්තෙන් එල්ල පල්ලෙහට බහින්න ආදී පාරක් තියෙනවා දුස්කරයි ඒත් ලස්සනයි Uda weriya පාර තවත් සවුත්තු වෙලා පින් යන එක ලේසියි

Leave a Reply